फोन करा,गरमागरम चहा हजर

कला आणि आवडीचे रूपांतर व्यवसायात ,कल्पकता वापरून शोधली उद्द्योग संधी, बुकिंग करताच मिळते मागाल तिथे सेवा

सुरुवातीला सुनिलने खासगी कार्यालयांमध्ये जाऊन बुकिंग केले. पत्रके वाटली. आता फोनवर शहरात तो सर्वत्र चहापोहोचवतो. लोकांच्या आठवणीतला चहा विकायचा होता. त्यामुळे सुनीलने शहरात पहिल्यांदाच फोनच्या माध्यमातून मागेल तिथे चहा देण्यास सुरुवात केली. फोन येताच काही मिनिटांत तो तेथे चहाचा कप हजर करतो. हडको-सिडको, गजानन महाराज मंदिर परिसर, वामन हरी पेठे ज्वेलर्सचे जालना रोडवरील प्रतिष्ठान,जिल्हाधिकारी कार्यालय, एमआयडीसी या भागातून नित्य फोन येतात.तेथे मी मागणीनुसार माझा चहा पाठवतो.

बऱ्याच ठिकाणी प्लास्टिकच्या कपात चहा दिला जातो.पण या कपात पॉलिव्हिलीन क्लोराईड नावाचा घातक रासायनिक पदार्थ असतो. त्यामुळे मी पेपर ग्लासमध्ये चहा देतो. शिवाय जनजागृतीही करतो. लोकांना उलट आरोग्यासाठी चहा देतो.
सुनिल पाटील.

हा उपक्रम लोकांना आवडला आहे. सुनीलची पत्नी शीतलही या कामात त्याला मदत करतात. त्याने ७ जणांचा एक ग्रुपच तयार केला आहे. शहरातील विविध भागांत ते चहा पोहोचवतात. प्रत्येकाला रोजगार मिळाला असून त्यांना १० ते १५ हजार रुपये महिन्याकाठी मिळतात. सकाळी सात ते रात्री आठपर्यंत हा चहा मागेल तिथे मिळतो.

माझ्या चहा आरोग्यदायी असल्याचा सुनीलचा दावा आहे. हा चहा चांगले दुध, विलायची ,दालचिनी ,सुंठ ,लवंग, काळी मिरी, जेष्ठमध, जायफळ, गवती चहा आणि तुळस टाकून बनवला जातो.